ಪ್ರೀತಿ ಎಂದರೇನು
ಪ್ರತಿಯೊಬ್ಬ ಮನುಜನಿಗು ಕಾಡುವ ಪ್ರಶ್ನೆ
ಹೆತ್ತಾಗ ಕಂಡಿಲ್ಲ
ಹೊತ್ತಾಗ ಕಂಡಿಲ್ಲ
ಬಿದ್ದಾಗ ಬಿಕ್ಕಳಿಸಿ ಅತ್ತಾಗ ಕಂಡಿಲ್ಲ
ಕಂಡುಕೊಂಡೆಯಾ ಗೆಳೆಯ ಪ್ರೀತಿಯ ಅರ್ಥ
ಪ್ರೇಯಸಿಯು ಒಮ್ಮೆ ಕಿರು ನಗೆಯ ಕೊಟ್ಟಾಗ
ಅಕ್ಕರೆಯ ಮಾತು ಆಡಿದಾಗ ಕಂಡಿಲ್ಲ
ಮುದ್ದಾಗಿ ಮೆಚ್ಚುಗೆಯ ಕೊಟ್ಟಾಗ ಕಂಡಿಲ್ಲ
ಸೋತಾಗ ಬೆನ್ನು ತಟ್ಟಿದಾಗ ಕಂಡಿಲ್ಲ
ಗೆದ್ದಾಗ ಹೆಮ್ಮೆಯಲಿ ಅಪ್ಪಿದರು ಕಂಡಿಲ್ಲ
ಕಂಡುಕೊಂಡೆಯಾ ಗೆಳೆಯ ಪ್ರೀತಿಯ ಅರ್ಥ
ಪ್ರೇಯಸಿಯು ಒಮ್ಮೆ ಕಿರುನಗೆಯ ಕೊಟ್ಟಾಗ
ನಿನಗಾಗಿ ಜೀವವನು ತೇಯ್ದಾಗ ಕಂಡಿಲ್ಲ
ನಿನ್ನಾಸೆ ತೀರಿಸಿದ ತ್ಯಾಗದಲು ಕಂಡಿಲ್ಲ
ನಿನ್ನೊಲವ ಒಪ್ಪಿದರು ಪ್ರೀತಿ ಅದು ಕಂಡಿಲ್ಲ
ನಿನ್ನವರ ಪ್ರೀತಿ ನಿನಗೆಂದು ಕಂಡಿಲ್ಲ
ಕಂಡುಕೊಂಡೆಯಾ ನೀನು ಪ್ರೀತಿಯ ಅರ್ಥ
ಪ್ರೇಯಸಿಯು ಒಮ್ಮೆ ಕಿರುನಗೆಯ ಕೊಟ್ಟಾಗ
ಕಂಡಿಲ್ಲ ನಾನು ಪ್ರೀತಿ ಎಂದರೇನು
ನಿನ್ನ ನಗುವಲ್ಲೇ ಅದು ಅಡಗಿರುವುದೋ ಏನು
ಎಂದಾಗ ನಿನ್ನವಳು ಮತ್ತೊಮ್ಮೆ ನಗಬಹುದು
ಆ ನಗುವು ನಿನಗಷ್ಟು ಖುಷಿ ಕೊಡಲು ಬಹುದು
ಸುಳ್ಳಿನ ಲೋಕವದು ಸೃಶ್ಠಿಸಿಹೆ ಗೆಳೆಯ
ಹೆತ್ತವರ ಪ್ರೀತಿಯ ಮರೆತಿರುವೆ ಗೆಳೆಯ
ಪವನ್ ಪಾರುಪತ್ತೇದಾರ :-
No comments:
Post a Comment