Wednesday, May 16, 2012

ಆಸೆ ಅಂಗಡಿ

ಅಪ್ಪಿತಪ್ಪಿಯೂ ಒಪ್ಪದಿರಿ
ಆಸೆಯೆಂಬ ಅಂಗಡಿಯ ಸರಕ
ತೂಕವದು ಹೆಚ್ಚಿಹದು
ಅಗ್ಗದಲಿ ಸಿಗಬಹುದು
ಮಾಡಬಹುದದು ನಿಮ್ಮ ಮನದ ಮೇಲ್ಗಾಯ

ಕಣ್ಣಿಗೊಂದಷ್ಟು ತಂಪನೆರಬಹುದು
ಮನದ ಮೂಲೆಯಲಿ ಕ್ಷಣಿಕ ಸುಖವನೀಯಬಹುದು
ಹೆಮ್ಮೆಯಲಿ ಕೊಂಡು ತೋರ್ಪಡಿಸಿಕೊಂಡು
ಪರರ ಮುಂದಷ್ಟು ಬೀಗಿ ಹಿಗ್ಗಬಹುದು

ಮುಂದೊಮ್ಮೆ ಮುಗಿವುದು ಸರಕಿನ ಸಾರ
ಆಸೆಯಂಗಡಿಯ ಸರಕು ಶಾಶ್ವತ ಅಲ್ಲ
ತಂದು ಒಡ್ಡೀತು ನಿಮಗೆ ನಿರಾಸೆಯ ಭಾವ
ನೀಡಬಹುದು ನಿಮ್ಮ ಮನಸಿಗೆ ನೋವ

ಪವನ್ ಪಾರುಪತ್ತೇದಾರ

No comments:

Post a Comment