Wednesday, March 21, 2012

ಆಡಂಬರದ ಅಬ್ಬರ


ಅಂಗುಷ್ಠದ ಕೊನೆಯಿಂದ
ಜುಟ್ಟಿನ ತುದಿಯವರೆಗೂ
ತುಂಬಿತ್ತು ಆಡಂಬರದ ಆಭರಣ
ಹೊರಗಣ ಅಂದದ ನೆಪಮಾತ್ರ
ಒಳಗಣ ಸುಪ್ತದಲಿ ಅಡಗಿತ್ತು
ಆಡಂಬರದ ಅಬ್ಬರ

ನೋಡಿದವರೆಲ್ಲ ಮೆಚ್ಚಿದರು
ಕೆಲೆವರು ಹೊಟ್ಟೆಕಿಚ್ಚಿದರು
ಇನ್ನು ಕೆಲವರು ಚುಚ್ಚಿದರು ಕೂಡ
ತಮ್ಮ ಆಡಂಬರವ ಮೆರೆದು

ಬಂಧು ಮನದಲ್ಲಿ ಪ್ರೀತಿ ಇರಲಿಲ್ಲ
ಬಂಧಿಸಿಟ್ಟಿತ್ತು ಅವರ ಮನವ
ನಿನ್ನ ಆಡಂಬರದ ವೇಷ
ಗೆಳೆಯರಲಿ ಗೆಲುವಿಲ್ಲ
ಬೆರೆಯುವ ಮನವಿಲ್ಲ
ಆಡಂಬರ ಸ್ನೇಹಕೆ ಪರದೆ ಹೆಣೆದಿತ್ತು

ತೊಟ್ಟರೆ ನೀನು ಮುಗುಳ್ನಗೆಯ ಆಭರಣ
ಗೆಳೆತನದ ಬೆಳೆಗೆ ಇಳುವರಿ ಹೆಚ್ಚು
ಹಂಚಿದಷ್ಟೂ ಕರಗಲ್ಲ ಹಣ ನೀಡಬೇಕಿಲ್ಲ
ನಿರ್ಮಿಸುವುದು ನಗುವು ಗೆಳೆತನದ ಸೇತುವೆ

ಸಮಾನ್ಯರಾಗಿರಿ ಆಡಂಬರದ ಅಬ್ಬರ ಬೇಡ

ಪವನ್ ಪಾರುಪತ್ತೇದಾರ:-

No comments:

Post a Comment