Monday, February 6, 2012

ಆಳದಿರು ನನ್ನ


ಕೀಲಿ ಪಟವ ಕುಟ್ಟಿ ಕುಟ್ಟಿ ಸವೆದಾಗಿದೆ
ಮುಸುಕಿನಿಂದ ಎಷ್ಟೆಂದು ಮಾತನಾಡಲೇ ಗೆಳೆತಿ
ಉಸಿರುಗಟ್ಟಿಸದಿರು ದಯವಿಟ್ಟು ನನ್ನದೂ ಬದುಕಿದೆ
ನಿನ್ನವನೇ ಆದರೂ ಆಳದಿರು ನನ್ನ

ನಂಗೊತ್ತು ನನ್ನದೇ ಧ್ಯಾನದಲಿಹೆ ನೀನು
ನನಗೂನು ನಿನ್ನದೇ ಯೋಚನೆ ಬೇರೇನು
ಆದರು ಜೀವನವ ಸಾಗಿಸಲು ಕಷ್ಟ ಪ್ರಿಯೆ
ಮಾತು ಮಾತಲ್ಲೆ ಮರೆಯದಿರು ಬದುಕ

ಅಬ್ಬರದ ಆಸೆಗಳು ತುಂಬಿದೆ ನಿನ್ನಲ್ಲಿ
ಅಬ್ಬಬ್ಬ ಎನ್ವಷ್ಟು ಆಳ ಇದೆ ಬದುಕಿನಲಿ
ಬದುಕ ಸಾಗರ ಇದು ಅಂತ್ಯ ಕಾಣದ ತೀರ
ಆಸೆಯ ಮೂಟೆಯನು ಮಾಡದಿರು ಭಾರ

ಇರುವಷ್ಟು ಪ್ರೀತಿ ಕೊಡುವೆನು ನಾನು
ಇಲ್ಲದ ಪ್ರೀತಿ ಹುಡುಕಬಲ್ಲೆಯೇನು
ಇಲ್ಲ ಎಂಬುವ ಪದ ಪ್ರೀತಿಯಲಿ ಸಿಕ್ಕಲ್ಲ
ಸಮಯವೇ ಪ್ರೀತಿ ಸತ್ಯವನು ಅರಿಯಲ್ಲ

ಸಮಯ ಕೊಡಿ ಪ್ರೀತಿ ತೊಗೊಳಿ :) ಪವನ್ :

No comments:

Post a Comment