ಕೆಟ್ಟವರ ಕಿಸೆಗೊಂದು ಕನ್ನವ ಹಾಕೋಣ

ಕೆಟ್ಟವರ ಕಿಸೆಗೊಂದು ಕನ್ನವ ಹಾಕೋಣ
ಕೋಟಿಯ ಕೋಟೆಯನು ಬರಿದು ಮಾಡೋಣ
ಮೋಸವ ನೆತ್ತರಲಿ
ದ್ವೇಷದ ಮಾಂಸದಲಿ
ಸುಳ್ಳಿನ ಎಲುಬಿನಲಿ
ಮೆರೆಯುತಿಹ ಮುರ್ಖರ ಮನೆಯ ಕೆಡುವೋಣ

ಉಸಿರಿನ ಏರಿಳಿತ
ಏರುತಿದೆ ಎದೆ ಬಡಿತ
ಕಷ್ಟದ ಕವಲುಗಳು ನಷ್ಟಗಳ ಸಹಿತ
ಇನ್ನಷ್ಟು ಹೊತ್ತರೂ
ಇವನಿಲ್ಲಿ ಸತ್ತರೂ
ಏರದು ಇವನ ಆಸ್ತಿಗಳ ಕಡತ

ಬಡವನಿಗೆ ಬವಣೆ
ಹೋಗುತಿದೆ ಸಹನೆ
ಉಳ್ಳವರ ತೋರ್ಪಡಿಕೆ ಭಾವವ ನೋಡಿ
ಹರಿಸಿ ಬೆವರಕೋಡಿ
ನೀರಸವಾಗಿದೆ ನಾಡಿ
ಆದರು ನಿಲ್ಲದು ಉಳ್ಳವನ ರಾಡಿ

ಪವನ್ :-