ಇಲ್ಲ ಅಭ್ಯಂತರ ಕೇಳಲು ಪ್ರೀತಿ ಬೈಗುಳ

ಇಲ್ಲ ಅಭ್ಯಂತರ ಕೇಳಲು ಪ್ರೀತಿ ಬೈಗುಳ 

ಇಲ್ಲ ನನಗಾತುರ ಕೇಳಲು ಎದೆಯ ತಳಮಳ

ಕಾಯುವೆ ಕೊನೆಯ ಕ್ಷಣದವರೆಗೂ

ಜನುಮದ ಕೊನೆಯ ಘಳಿಗೆವರೆಗೂ 

ಹಾಕೆನು ಹೃದಯದ ಬಾಗಿಲ ತೆರೆದಿದೆ ನಿನಗಾಗಿ 

 ||ಇಲ್ಲ ಅಭ್ಯಂತರ ಕೇಳಲು ಪ್ರೀತಿ ಬೈಗುಳ||

ಸಮಯದ ಪರಿವೆ ಇಲ್ಲ ನಿನ್ನೊಂದಿಗೆ ಮಾತನಾಡುತಿರಲು

ಕತ್ತಲೆ ಲೋಕವೆಲ್ಲ ನಿ ನನ್ನ ಜೊತೆಗೆ ಇರಲು 

ಮಾತಿಗೆ ಕೊರತೆ ಇಲ್ಲ ಮೌನದ ಸುಳಿವೇ ಇಲ್ಲ 

ಬದುಕಲಿ ನೀನೆ ಎಲ್ಲ ನೀನಿಲ್ಲದೆ ಏನು ಇಲ್ಲ

 ||ಇಲ್ಲ ಅಭ್ಯಂತರ ಕೇಳಲು ಪ್ರೀತಿ ಬೈಗುಳ||

ಮುಸ್ಸಂಜೆಯು ಮಂಕಾಗಿದೆ ನಿನ್ನದೇ ಚೆಲುವಲಿ

ಮುಂಜಾನೆಯೇ ಮರೆತೋಗಿದೆ ನಿನ್ನದೇ ನೆನಪಲಿ 

ಸಹನೆಗೆ ಮಿತಿಯೇ ಇಲ್ಲ ಸಂಶಯ ಇನ್ನು ಬೇಕಿಲ್ಲ 

ಸಂತಸ ಬದುಕು ಎಲ್ಲ ನಾನಾಗುವೆ ನಿನ್ನ ನಲ್ಲ 

 ||ಇಲ್ಲ ಅಭ್ಯಂತರ ಕೇಳಲು ಪ್ರೀತಿ ಬೈಗುಳ||