ಹೊಸ ವರುಷ ನಿಮಗೆಲ್ಲ ಹೊಸ ಹರುಷವ ತರಲಿ

ಹೊಸ ವರುಷ ನಿಮಗೆಲ್ಲ ಹೊಸ ಹರುಷವ ತರಲಿ 

ಈರುಳ್ಳಿ ಬೆಳ್ಳುಳ್ಳಿ ಬೆಲೆ ಕಮ್ಮಿಯಾಗಲಿ

ಹಗರಣಗಳು ಇನ್ನಾದರು ಇರದಾಗಲಿ

ಕಾರ್ಗಿಲ್ ಯೋಧರಿಗೆ ಗೆಲುವಾಗಲಿ 

ನಿಮ್ಮೆಲ್ಲರ ಆಸೆಗಳು ಈಡೇರಲಿ 

ಹೊಸ ವರುಷ ನಿಮಗೆಲ್ಲ ಹೊಸ ಹರುಷವ ತರಲಿ 

ರಾಜಕೀಯ ಇನ್ನಾದರು ಬದಲಾಗಲಿ 

ಸ್ವಾರ್ಥಿಗಳು ನಮ್ಮಿಂದ ದೂರಾಗಲಿ 

ಸಾಧು ಸಂತರು ಒಳ್ಳೆಯವರಾಗಲಿ

ಸಮಯಕ್ಕೆ ಸರಿಯಾದ ಮಳೆಯಾಗಲಿ 

ಹೊಸ ವರುಷ ನಿಮಗೆಲ್ಲ ಹೊಸ ಹರುಷವ ತರಲಿ 

ಕನ್ನಡದ ಚಿತ್ರಗಳಿಗೆ ಗೆಲುವಾಗಲಿ

ಹೊಸಬರ ಪ್ರಯತ್ನಗಳು ಫಲ ಕಾಣಲಿ

ಕನ್ನಡಿಗರ ಸಾಧನೆಗಳು ಚಿರವಾಗಲಿ 

ಕನ್ನಡಮ್ಮ ನಿನಗೆ ಜಯವಾಗಲಿ 

ಹೊಸ ವರುಷ ನಿಮಗೆಲ್ಲ ಹೊಸ ಹರುಷವ ತರಲಿ 

                                                  ಬದಲಾವಣೆಗಳನ್ನು ಬಯಸುತ್ತ ಪವನ್ :-

ಹೊಟ್ಟೆ ಕಿಚ್ಚಾಯಿತು ನನಗೆ ಚಂದ್ರನಾ ಮೇಲೆ

ಹೊಟ್ಟೆ ಕಿಚ್ಚಾಯಿತು ನನಗೆ ಚಂದ್ರನಾ ಮೇಲೆ
ಮಕ್ಕಳೆಲ್ಲ ಚಂದಿರನ ತಂದಿರಾ ಎಂದರು
ಹುಡುಗಿಯರೆಲ್ಲ ಚಂದಿರನೆ ಸುಂದರ ಎಂದರು
ಅವನ ಹೊಳಪ ನೋಡಿ ಕಾಣುವ ಇಂದ್ರ ಎಂದರು
ಹೊಟ್ಟೆ ಕಿಚ್ಚಾಯಿತು ನನಗೆ ಚಂದ್ರನಾ ಮೇಲೆ
ಯುದ್ಧ ಮಾಡಲು ಹೊರಟೆ ನಾ ಅವನ ಮೇಲೆ
ಮೊದಲ ದಿನ ಯುದ್ಧದಲಿ ನಾ ಕೆಳಗೆ ಅವ ಮೇಲೆ
ಮುಂದೆರಡು ದಿನ ಸ್ವಲ್ಪ ಕುಗ್ಗಿದ
ಮತ್ತೆರಡು ದಿನ ಮತ್ತಷ್ಟು ನಲುಗಿದ
ಹಾಗೆ ಹದಿನೈದು ದಿನದಲಿ ಗೆದ್ದೇ ನಾ ಅವನ
ಅಮಾವಾಸ್ಯೆಯಂದು ಮುಗಿಸಿದೆ  ಅವನ ಆಕಾಶ ಯಾನ

                                                             ಪವನ್:-