ನನ್ನೀ ಮನಸಿಗೇನೋ ಆಗಿ ಹೋಗಿದೆ

ನನ್ನೀ ಮನಸಿಗೇನೋ ಆಗಿ ಹೋಗಿದೆ
ನಿದಿರೆಯೊಳಗು ನಿನ್ನಾ ರೂಪ ಕಾಡುತಿದೆ
ನನ್ನೀ ನಾಲಿಗೆಗೆನೋ ಆಗಿ ಹೋಗಿದೆ
ಕ್ಷಣ ಕ್ಷಣಕು ನಿನ್ನ ಹೆಸರನ್ನೇ ತೊದಲುತಿದೆ
ನನ್ನ ಹೆಸರಲು ನನ್ನ ಉಸಿರಲು
ನಿನ್ನಾ ಹೆಸರೇ ಸೇರಿ ಹೋಗಿದೆ
ನಿಂತಲ್ಲು ಕುಂತಲ್ಲು ಓಡಾಡುವಾಗಲು
ನಿನ್ನಾ ನೆನಪೇ ನನ್ನ ಕಾಡುತಿದೆ

|| ನನ್ನೀ ಮನಸಿಗೇನೋ ಆಗಿ ಹೋಗಿದೆ||

ನನ್ನ ನರ ನಾಡಿಯಲು ನಿನ್ನಾ ಹೆಸರೇ ಹರಿಯುತಿದೆ
ನನ್ನ ಮೈಯ ಮೇಲಿರುವ ಪ್ರತಿ ರೋಮದಲು ನಿನ್ನಾ ಪ್ರೀತಿಯಿದೆ
ನನ್ನ ಎದೆಯನ್ನು ಬಗೆದು ತೆಗೆದರೆ ನಿನ್ನ ಚಿತ್ರವೇ ಕಾಣುವುದು
ನನ್ನ ತುಟಿಗಳ ಅಂಚಿನಲಿ ನಿನ್ನ ಹೆಸರೇನೆ ಇರುವುದು

|| ನನ್ನೀ ಮನಸಿಗೇನೋ ಆಗಿ ಹೋಗಿದೆ||

ನಿನ್ನ ಪ್ರೀತಿಯ ಮಾತು ಕೇಳುತ ಪಲ್ಲವಿಯನೆ ಮರೆತೆ
ರಾಗ ತಾಳಗಳ ಸಂಗಮವಿಲ್ಲದೇ ಹಾಡುವುದನ್ನು ಕಲಿತೆ
ನಿನ್ನ ಪ್ರೀತಿಯೇ ತಳವಾದಾಗ ಕುಣಿಯೋನು ನಾನಲ್ಲವೇ
ನನ್ನ ಪ್ರೀತಿಯ ತಿಳಿದುಕೊಳ್ಳುವ ಪ್ರಿಯತಮೆ ನಿನಲ್ಲವೇ

|| ನನ್ನೀ ಮನಸಿಗೇನೋ ಆಗಿ ಹೋಗಿದೆ|